Նախագծի մասնակիցներ՝ Հյուսիսային և Արևելյան դպրոցի երկարացված օրվա տարատարիք սովորողներ
Պատասխանատու՝ Մերի Կարապետյան, Սոնա Քեհեյան
Օրը՝ մայիսի 15

Ժամը`15։00֊16։00

Նպատակը և խնդիրները

  • Նպաստել սովորողների ֆիզիկական ակտիվության բարձրացմանը
  • Ներկայացնել նոր և հետաքրքիր մարզական խաղեր
  • Զարգացնել թիմային համագործակցության և փոխօգնության հմտություններ
  • Խթանել շարժողական կարողությունների և ճկունության զարգացումը

Անհրաժեշտ պարագաները

  • Գնդակներ
  • Օղակներ
  • Բուլավաներ

Ընթացքը

Մարզական խաղերն անցկացվում են շարժուն ու դինամիկ միջավայրում՝ հաշվի առնելով սովորողների տարիքային առանձնահատկությունները և հետաքրքրությունները։ Խաղերը նպաստում են ոչ միայն ֆիզիկական ակտիվությանն ու ճկունության զարգացմանը, այլև սովորողների օրը դարձնում են ուրախ, հագեցած և հիշարժան։

Մարզական խաղերի նկարագրություն

Խաղ 1. «Անցիր օղակներով»
Սովորողները բաժանվում են երկու խմբի։ Յուրաքանչյուր խմբի մի քանի մասնակից բռնում է օղակները, իսկ մյուսները հերթականությամբ պետք է անցնեն այդ օղակների միջով՝ առանց դրանց դիպչելու։ Հաղթում է այն խումբը, որը առաջինը կհասնի պատին՝ պահպանելով խաղի կանոնները։

Խաղ 2. Գնդակի վրա վազք

Մասնակիցները գնդակը գլորելով անցնում են կոներով արված ճանապարհը։

Խաղ 3. «Օղակով բուլավայի վրա»
Յուրաքանչյուր խումբ բաժանվում է զույգերի։ Զույգերը ձեռքերը պահում են հետևում և միասին բռնում օղակը։ Առաջադրանքն է միասին տեղափոխել օղակը մինչև պատի մոտ դրված բուլավան և դնել դրա վրա՝ առանց կանոնները խախտելու։ Հաղթում է այն խումբը, որը արագ և ճշգրիտ է կատարում առաջադրանքը։

Խաղ 4.Գնդակով փոխանցում

Խաղացողները շարքով կանգնում են։

Առաջին մասնակիցը գնդակը փոխանցում է գլխի վերևով, հաջորդը՝ ոտքերի տակով։

Շարքը հաղթում է, երբ գնդակը հասնում է վերջին մասնակցին։

Արդյունքները

Մարզական խաղերը նպաստեցին սովորողների ֆիզիկական զարգացմանը, թիմային ոգու ձևավորմանը և շարժողական կարողությունների ամրապնդմանը։ Միջոցառման ընթացքը կարտացոլվի բլոգներում `լուսանկարների և տեսաֆիլմի տեսքով։