Մասնակիցները՝ 5 տարեկաններ
Ժամանակահատվածը՝ շուրջտարյա
Նպատակը՝ Սովորողների ինքնաճանաչման միջոցով նպաստել միջավայրի ադապտացմանը (յուրացմանը), անհրաժեշտ փոխհարաբերությունների (սովորող-սովորողներ, սովորող-ուսուցիչ) հաստատմանը՝ զարգացնելով սովորողների ինքնուրույնությունն ու ինքնասպասարկման հմտությունները: Ինչպես նաև, սովորողների ընտանիքներին ներգրավելով ուսումնական աշխատանքներում՝ դարձնել կրթական ծրագրի պատասխանատու:
Խնդիրները՝
- Ադապտացում միջավայրին (միջավայրի յուրացում)
- Ինքնուրույնության դրսևորման զարգացում
- Ինքնասպասարկման (անձնական հիգիենա) հմտություների զարգացում.
- Բանավոր խոսքի զարգացում (առանց սխալվելու վախի խոսելու, հանդես գալու հնարավորություն)
- Ներկայանալու, ծանոթ մարդկանց ներկայացնելու ունակության ձևավորում
- Պատմելու, վերապատմելու ունակության զարգացում
- Մաթեմատիակական հասկացությունների ձևավորում
- Մեդիատեխնոլոգիական հմտությունների ձևավորում
- Հաղորդակցական հմտությունների ձևավորում ու զարգացում
- Երաժշտական ունակությունների դրսևորում, զարգացում
- Ստեղծագործական երևակայության զարգացում
Լեզվագործունեություն`պատումներ, զրույց-քննարկումներ
- Կարելի է իրականացնել «Խոսողի աթոռ» նախագիծը: Սովորողները նստում են աթոռին, /կարելի է աթոռը ձևավորել/ և պատմում են իրենց մասին, իրենց նախասիրությունների, սիրելի մարդկանց, իրերի, ընտանիքի, ընկերների մասին:
- Պատմել իր (իր խաղալիքի…) մասին: Այստեղ կարելի է իրականացնել «Խոսում է իմ տիկնիկը» նախագիծը: Սովորողները տան անդամների հետ կարող են պատրաստել տիկնիկներ (ձեռնոց-տիկնիկ), որոնք դասարանում նրանց հնարավորություն կտան ավելի անկաշկանդ խոսելու, պատմելու. հանդես գալու տիկնիկի անունից:
- Կարողանալ պատասխանել հարցերին՝ պատճառաբանելով իր կարծիքը:
- Իմ սիրած գույնը, տարվա եղանակը
- Իմ բակը, քաղաքը (գյուղը), երկիրը
- Ես նման եմ…
Մաթեմատիկական գործունեություն
Ես կարողանում եմ հաշվել, չափել, կշռել, համեմատել.
- Հաշվել 1-ից մինչև….(առաջ հաշիվ, հետ հաշիվ):
- Այսօր քանի՞ սովորող է կա խմբասենյակում, քանի՞ աղջիկ կա դասարանում, քանի՞ տղա: Համեմատել (շա՞տ է, թե՞ քիչ):
- Համեմատել երկու աղջիկների: Համեմատել երկու տղաների: Գտնել նմանություններն ու տարբերությունները:
- Հաշվել աթոռները, սեղանները, բակի ծառերը: Համեմատել:
- ընտանիքի անդամներին ըստ հասակի, ըստ տարիքի
- քանի ոտնաչափ, թիզ է իմ մահճակալը
- քանի մատնաչափ է իմ, մայրիկիս, տատիկիս, քույրիկիս մազերը
- հասակաչափով հասակներն ենք չափում
Տեխնոլոգիա և մեդիատեխնոլոգիա
Ջրաներկով, գուաշով նկարել իրենց, իրենց տրամադրությունը արտահայտել գույներով (գույների շաբաթ), ուրվագծել իր ձեռքը (թաթիկանկար):
Ծանոթանալ Paint նկարչական ծրագրին, հիմնական գործիքներին: Կարող են պատկերների կամ գույների միջոցով ստեղծել իրենց «Օրվա տրամադրությունը» թեմայով նկարներ:
Մարմնամարզություն (խաղային գործունեություն)
Այս շրջանում շատ կարևոր է խաղային գործունեության առկայությունը սովորողի ուսումնական առօրյայում: Առավոտը սկսել դրական տրամադրություն ու համախմբվածություն փոխանցող ազգային խաղերով, ինչպես նաև բակային խաղեր խաղալ:
Նախագծի արդյունքում՝
Բոլոր աշխատանքները հրապարակվում են բլոգում։
Մերի Կարապետյան 