Նախագծի մասնակիցներ՝ 5-6 տարեկաններ, ընտանիքի անդամներ
Նախագծի իրականացումը՝ Հունիսի 1-25-ը
Նախագծի նպատակը`
- սովորողների ձեռք բերած կարողությունների և հմտությունների ներկայացում, սովորողի ձեռքբերումները
- սովորողին տալ ինքնուրույն ներկայանալու, ինքնաարտահայտվելու-ինքնադրսևորվելու հնարավորություն:
Ընթացքը
Սովորողները, ընտանիքի անդամները տեսանյութի տեսքով ներկայացնում են իրենց կարողությունները․
- Ես կարողանում եմ խնամել իմ ընտանի կենդանուն
- Ես կարողանում եմ խնամել իմ միջավայրը․ սովորողն ու ընտանիքը ներկայացնում են միջավայրի՝ բույսերի, ծառերի, ծաղիկների խնամքը
- Ես կարողանում եմ երգել /ազգային երգեր/
- Ես կարողանում եմ խոհանոցում պատրաստել
- Ես կարողանում եմ նվագել /որևէ գործիք/
- Ես կարողանում եմ պարել /ազգային պարեր/
- Ես կարողանում եմ հեծանիվ վարել /չմուշկ, անվաչմուշկ, ինքնագլոր/
- Ես կարողանում եմ մարզվել․ սովորողը կներկայացնի իր մարզական կարողությունները
- Ես կարողանում եմ ստեղծագործել, հորինել
- Իմ կարդացած գիրքը
- Հորինուկների ներկայացում պատումի և նկարաշարի օգնությամբ
- Իմ ուրախ մեդիաայբբենարանը
- Ես կարողանում եմ․․․․․․․. /սովորողն ինքն է ընտրում և ներկայացնում իր կարողությունը/
- Արդյունքները հրապարակվում են դասարանական բլոգում։
- Նախագծի ամփոփումը՝ հղումով։
Մերի Կարապետյան 